01.07.2022رندان
[01.Jul.2022 - 10:54]خوشال بابا وایی:
درندانو په رندۍ
دشیخانو په تقوا ږو
--------------------
دپښتو غزلبول شاعر حمزه بابا
ای شیخه دتسبو او دستار دې غواړه خیر
رندانو سره تار دیارانې مه جوړوه
----------------------
فلسفي شاعر غني خان :
راشه راشه لیوني
جام اوچت کړه مسلمان شه
درندانو په مذهب شه
او جنتي په دې جهان شه
------------------------
دپښتو ژبې یو بل شاعروایی:
بیازموږ رندانو الستي جامونه پورته کړل
بیا یې په شپیلۍ اسرافیلي غږونه پورته کړل
----------------------------------
ملګرتیا کۀ څو رندان راسره وکړي!
دا حرم به یوه لویه میکده کړم
(سېف الرحمن سلیم)
--------------------------
(رندان دې مست ګرځي خمار دې کوي
شيخ ورته دغسې حيران ښه دے
((سیف الرحمان سلیم)
---------------------
د رندانو مېکشانو مېکده ده
دلته کشر مشر نشته چرته کېنه
سيد شاه سعود
-----------------
مونږ رندان ورته د عشق په نظر ګورو
تا ته ښکاري جهنم په ميخانه کې
(باچاخان درویش)
--------------------
په هره میخانه کې درندانو غوبل جوړ دی
بې ځایه ویشل کیږي شرابونه دي ارزانه
(رفیع الله ستانکزی)
----------------------------
کوم غدار راووست محتسب دخرابات حرم ته
چې درندانوله غضبه میخانه چوویږي
(اسد زمری)
-------------------------
درندانو خماریانو به تل سره وي محفلونه
ددوی جوړې به میلې وي موږ به نه یو
(نا معلوم شاعر)
--------------------------
د رند ګریوان ته رسي د ملا ګریوان ته رسي
زما د جنون لاس خو د هر چا ګریوان ته رسي
(راشد خټک )
-----------------------------
ته ساقي يې او زه رند يم دوه په دوه يو
پروا مه کوه خو جام دے ډکـــــــوه يې
(سیف الله ساروان)
------------------------------
شپه پخه شوه واده کړي کور ته لاړل
دَ لاونډو خو بس ځای ده په حجره کې
(خیبر اپریدی)
-------------------------
د میکدې په کونج کي ناست دی او تسبیح اړوي
خدایه چي دغه د رندانو پیر په چا مین دی
(حکمت الله سالار)
---------------------------
نه ساقي نه مېخانه ،د ژوند خوئ شي رندانه
لري خپله پېمانه ،له خمار ډکه بانه
مسته مسته زمانه ،هېره تېره افسانه
(سهېل خټک)
---------------------------------
تۀ شېخ يې او زه رند؛ خو کۀ رښتيا راباندې وايې!
تا دا وشرموله! او ما دا وشرموله!
(منتظر شينواری )