14.06.2022بیا هغه شان ووایه
[14.Jun.2022 - 09:13]ماته جانان ووایه
بیا هغه شان ووایه
ما ته جانان ووایه
.
درته یادېږم، که نه؟
ښه په ایمان ووایه
.
ستا ومه، ستا به یمه
علي الاعلان ووایه
.
زه یم ټپه د مینې
ته یه قربان ووایه
.
زما په مینه کښې ستا
که وي تاوان ووایه
.
د زړه خبره اشنا
یمه روان، ووایه
.
د جدایۍ زړګیه
که لرې توان ووایه
.
انوره بې د مینې
څه دی ګوزران ووایه؟
.
.
علي الاعلان = په ښکاره ډول، صفا صفا، په څرګنده توګه
تاوان = ۱) زيان، ضرر، تروټ ۲) جرمانه، پور ۳) په غاړه کېدنه، د نقصان تلافي
توان = وس، زور، طاقت
انور مانېروال
ما ته جانان ووایه
مخ - ۱۵
(غوړچان: ممتاز خان)