02.11.2021فلسفي خېالات
[02.Nov.2021 - 15:11]شاعر: سید عبیدالله نادر
فلسفی خیالات
په سو چــــونو زړه ته می ، رانغلو قرار
نه خیالات د فلسفی می شــــــــول ،مـهار
شیرین عمر ، په حیرت کې رانه تیر شو
خو ښکاره نه شو ، د پردې شاته اسرار
«««««««««««««««««««««««««««««
د تحقیق سوچونه
خاورې شوی دي ، سرونه په فکرونو
په تحــــــــقیق د حقیــقت او ګرویږ نو
فلسفیانو ډیری شپی دي سبــــا ، کړي
د خلقت په اندیښنو ، او په ســــوچونو
««««««««««««««««««««««««««««
د اوښکو دریابونه
د دردمنو می په حــــال شـول ، قلم زړونه
چې احسـاس یی کړل ، زما د زړه دردونه
کاتبــــــان می د کرام ټول ، په ژړا ، کړل
چې له اوښکو نه می جوړ کړل ،دریابونه
»»»»»»»»»»»»»»»»»»»»»»»»»»»»»
بار بار سوځم
هره ورځي په وار وار ، په کــرار سوځم
چي د شمع په څیر ، چپ تر سهار سوځم
ټول جهان ته می ، فروغ ، له ځانه ورکړ
زه تر اوسه ، په لمبو کې ، بار بار سوځم
«««««««««««««««««««««««
د آرزو درمن
غمونه ډیر شـــول ، په هر کــلي او کور
نور مو نشته ، په جهان کې ،یو غمخور
امیدونه ، ټول د خـــــاورو سره یو شول
د آرزو په درمــند، ولـــګـــــــــیده اور
»»»»»»»»»»»»»»»»»»»»»»»»»»»»»»»»»»
که په نفسونو حاکمیت وي
د هوس څخــه چــــــي تیر وطـــــنداران شي
چی په نفس باندی حاکم زمونږ ، مشران شي
ژر تر ژره ، په یقـــــــــین سره به ګــــوری
چي دا وران ویجــاړ ډاګــــونه ، ګلستان شي
««««««««««««««««««««««««
زمونږ حالت
دا خواره واره په هر ځای د پیغور یو
دا زمونږ له نادانۍ ، او جهـــــالت دی
په ټول عمر ، په تضـــاد کې یو د علم
ځکه ټولو نه بد تر ، زمونږ حالت دی
»»»»»»»»»»»»»»»»»»»»»»»»»»»»»»»»»
زیور دمعرفت
چي سمــــــــــبال شــو په زیور د مــعرفت
په کار داده ، چي تر لاســــــه کړو همــت
علم وفن د زماني ، هومره حـــــاصل کړو
چي پیدا کړو ، په خپل ځان کې ، بصیرت
»»»»»»»»»»»»»»»»»»»»»»»»»»»»»»»»»»»»
د استغفار فرصت
د رحمــت ګــــوهر وریږي ، په بار بار
ټول عالم یي ،په احســـــان دي منت بار
که سل ځله په توبو باندی ، یرغل کړې
رب درکړی دی ، فرصــت ، د استغفار
»»»»»»»»»»»»»»»»»»»»»»»»»»»»»»»»
د سحرا کاڼۍ
چي مرحم نشې په درد د زخمی زړونو
یا سـکون او آرامــــش ، په پرهــارونو
داسي و ګنه چي کـــــا ڼی د صحرا دی
یا وچ بوټۍ ، په کـــمر د اوچت غرونو
»»»»»»»»»»»»»»»»»»»»»»»»»»»»»
د وخت قدر
وخت په چټــکی ، لــــــه مخــي مو تیریږي
زمـــانه د چــــــــا د پـــــــاره نــــه ودریږي
خو افسوس ، زمونږ په حال باندی همدا دی
چـــــي په قدر د زمــان څـــوک نه پوهیږي
»»»»»»»»»»»»»»»»»»»»»»»»»»»»»»
فلسفی نظر
په ژور سوچ چي می وکتل خپل ځــــــان ته
کوږ رفتار د دي جهــــان او د زمان ته
چي د عقل می نظر په عــجز ، پریوت
دومره لوړ شومه ، چي وختم آسمان ته
«««««««««««««««««««««««««««