سندره ېم
[11.May.2018 - 08:56]
سندره یم، په ځان کې، د سودا په شانې اوسم
پخپل پښتون وطن کې، د ګناه په شانې اوسم
ګلاب یم، د رنګ غېږ کې، د خندا په شانې اوسم
شبنم یم، په خندا کې، د ژړا په شانې اوسم
حالاتو رانهٔ ؤتروړو غرور د خپلې مینې
ژوندون یم خو په خلکو کې، د غلا په شانې اوسم
جذبو رانهٔ اغوستې دي جامې د ګومانونو
حیا یم خو په شکل د ریا په شانې اوسم
سایل یم د ارزو د تصور په مدرسه کې
والله د بې زبانه نابینا په شانې اوسم
رحمت شاه سایل
ـ
تروړل = تښتول، ټروښل، توږل، لاس تاوؤل، شوکول