(که سپوره وي که پوره وي نو په شریکه به وي (باچاخان)

دواده په هکله

[03.Jan.2018 - 13:11]

د واده په اړه په زړه پوري متلونه او د لويانو خبريمجردان دې ارو مرو ولولي. 

راټولونه: حنېف حیران

۱-واده هغه پیوند دی چي له یوې وني سره بله پیوند کوي، که ښه وي، دواړه به ژوندي پاته شي او که بد وي، دواړه مري. (نیوټن)

 

۲-هغه مېرمن نېکبخته وي چي د خاوند امر مني. (یوناني متل)

 

۳-که ښځه او مېړه وغواړي په کنډواله کي هم ژوند سره کولای شي. (المانی متل)

 

۴- مېرمني دوه ډوله دي: له یوې سره کېدلای شي ډېر څه ومومې او له بلي سره به فقیر شې. (ایټالوى متل)

 

۵- د کالیو د اخیستلو پر مهال یې څنډي سمي ګوره او د واده پر مهال د نجلۍ د مور په اړه ډېره څېړنه کوه. (اذربایجاني متل)

 

۶- د انګور تاک د ښې خاوري څخه ټاکه او لور د اصیلي مور. (چینايي متل)

 

۷- که په پور دي واده وکړ، له خندا سره مخه ښه وکړه. (المانی متل)

 

۸- مور او پلار یو کس په خپله نه شي خوښولای، خو د مېرمني د مور او پلار خوښول د یو کس په خپل لاس کي وي. (پرل باک)

 

۹- له خپلي مېرمني سره د یو کتاب په څېر چلند وکړئ او ستړي کوونکي فصلونه یې مه لولئ. (سوني سمارت)

 

۱۰- واده تر جګړې تګ ته ډېره زوړتیا غواړي. (کریستین)

 

۱۱- له ښځي پرته کور د هدیرې په شان وي. (فرانکلین)

 

۱۲- د مینئ یوازنی علاج یا درملنه واده دی. (آرت بوخوالد)

 

۱۳- خاوند د کور ماغزه وي او مېرمن یې هم زړه. (سیریوس)

 

۱۴- مینه د واده سهار وي او واده هم د میني ماښام. (بلزاک)

 

۱۵- تر واده وړاندي مي د خپل اولاد په اړه شپږ نظره لرل، خو اوس چي شپږ اولاده لرم هیڅ نظر هم نه لرم. (لردلوچسر)

 

۱۶- له واده سره سم نارینه پر خپل تېر شوي ژوند کرښه راکاږي او مېرمن یې پر راتلونکي. (سینکالویس)

 

۱۷- ریښتونې خوشحالي تر واده وروسته لاس ته راځي. (پاستور)

 

۱۸- واده وکړئ هر ډول چي وي، که مو په زړه او سم واده وکړ یو نېکبخته سړی به ياست او که ناسم و، فیلسوف به شی. (سقراط)

 

۱۹- جګړې ته تر تګ وړاندي دوه ځله ځان ته دعا وکړئ، خو د واده کولو پر مهال درې ځله. (لهستانی پوه)

 

۲۰- څومره چي متاهل کسان ډېر شي، جنایت هومره کمېږي. (ولټر)

 

۲۱- واده داسي تړون دی چي په ټوله نړۍ کي چلېږي. (مارک تواین)

 

۲۲- واده تل میني ته د پای ټکی ایښی دی. (ناپلیون)

 

۲۳- هغه واده چي د پیسو لپاره وي، پیسې له منځه هم وړي. (رولاند)

 

۲۴- مېرمني د دې لپاره له نارینه سره واده کوي چي تغیر وکړي، خو نه یې کوي او نارینه هم د همدې لپاره، خو نه یې کوي. (البرت)

 حنېف حیران

-
 بېرته شاته