19.04.2024غواړم
[19.Apr.2024 - 16:22]متقاعد ډاکټر حمیدالله زړور ساپی
(....غواړم)
ای الله!ستا په مینه عبادت کښې همت غواړم
ستا د امین رسول محمد ص. محبت غواړم
ستا د قرآن پښتو معنا صلات فجر وخت کې
صحیح احادیث د نبي ص.په جماعت غواړم
ادکۍ مور و پښو ته پریوځم عفو بخشش وغواړم
د شهید پلار نیمګړي عُمُر ته زیارت غواړم
کور او کهول کې خوشحالئ او لورَوءنې وي نور
له کورودانې او اولاد سره الفت غواړم
د ژوند ملګرې نه مې هر وخت مقابل احترام
پر زوی او لوور لمسي لمسۍ ډیر شفقت غواړم
له اقاربو او دوستانو نه صله ءِ رحمي
له کلیوالو نړۍ والو انسانیت غواړم
د ښار او کلیو ژوندونونه سره ور نیژدې کړې!!
حجرو،جماتو ،مکتبو کې مدنیت غواړم
مغزو کې وي مثبت فکرونه اوپه زړونو کې تقوا
علمونه ، عصړي پوهي خوځښت حرکت غواړم
وړو ،زړو ته ښې خبرې،سفرونه، لوبې
ځوانانو ته مټې تکړه، زیار او زحمت غواړم
ساپیه! صبر کړه حمید اله زړور وايي:
هیواد به جوړشي؛دم قدم کې جدیت غواړم
خدایه!لاسونه د دعا درته لپه کوءمه
و ظالمانو ته سزا؛ مظلوم ته حقانیت غواړم
دا د پنجاب او اسراییل ظالمان ټول قصاص کړې!!
بلوڅ، وزیر... او غزه والو ته جنت غواړم/وو!!!
برسلز/څلور شنبه نۍ د اپریل ۱۷/۲۰۲۴=د شوال ۸= د حمل/وری/فروردین ۳۰مه ۱۴۰۳ل.ه.