05.10.2021ارمان
[05.Oct.2021 - 19:43]د طالبانو دریم کال د واکمنۍ او زما ناهیلي په هغه وخت کې د طالبانو په هکله ، کال ۱۳۷۷ هه ،ش پیښاور د هجرت کلونه/ سید عبیدالله نادر
د یو دردمن په ارمان
د زړه په درد بانــــدی، آشـــنا نه راځي
د خلـــکو غـــــم کې ، مبـــتلا نه راځي
چې د بهـــــــبود، لري پیغام ځـــان سره
داسی یو شـپون، په دې سحرا نه راځي
له غمه وچ شـــولو، په ســـترګو کې نم
د چـــا د لاســـه ، نن ژړا نه راځــــــي
هرې خـــــوا، مالـګي دوړوي په زخمو
چې شي دارو، په درد د چــــا نه راځي
هــاغــــه چې ول ، د امـــیدونو کاروان
یو ځـــــلي بیا ، په دې بــــیدیا نه راځي
ټول ژړه غونې کــــړه ، فـــراق د وطن
ځکه د چــا خــولي ټه ، خـــندا نه راځي
ډیری مو شـــپي ، په انتـظارتیری شوي
زمـــونږ د زړونـــــو، مــــدعا نه راځي
هغوی چې ول ، د دې وطـــن غمخواران
په دغـــــــه بڼ کې ، یو وار بیا نه راځي
د توری شپي تیارې، خـــــــو لا زیاتیږي
په دې چمن کې، روڼ ســــــــــبا نه راځي
سیوری د مرګ دی ، صورتونو کې ناست
په دغـــــــه دور کې، مســـیحا نه راځـــي
د نفـــس هــوا کې دي ، همـــه واړه ډوب
عدل و انصــــاف، په دې دنــــیا نه راځي
د قـــافلو واګـــــــي، چې واخـــلي په لاس
داسي لارښـــــود او، رهنمـــا نه راځــــي
هـــاغـــه د بخــــــت او، امیدو محـــــبوبی
نور په کلو ، زمــــونږ په خـــوا نه راځي
د زمـــانې دیــــــوانو ، خــــپو لاندی کړو
زمـــونږ په درد د چـــا پروا، نه راځــــي