22.02.2021له سباوون څخه
[22.Feb.2021 - 15:26]ارواښاد قلندر مومند
۱ ستمبر ۱۹۳۰ - ۴ فروري ۲۰۰۳
د کتاب نوم - سباوون
.
چې په خوشال په رن تم بور کې وشوې
هغه کانې په ما لاهور کې وشوې
.
د آشنا خیال، د قفس ور مات کړه
بېلتونه ډزې دې په کور کې وشوې
.
خلک د دوه ورځو فراق کې سوځي
زما خو مياشتې په دا اور کې وشوې
.
د رڼا ناوې دغه ټولې کيسې
ما سره ستا د مينې تور کې وشوې
.
دي زندانونو، د وفا په عوض
ناشونې وشوې خو په زور کې وشوې
.
.
رن تم بور = رَن-تَم-بَور = رنتمبور، هغه زندان چې پکې خوشال بابا د مغلو له خوا بندي شوی و
کانه = ۱) بدازمېښت، ناڅاپي پېښه ۲) مصيبت ۳) معامله
عوض = بدله، معاوضه، اجر
ناشونی = ناممکن
شونی = ممکن
ناشونې = ناممکنه، نه کېدونکې، ناشونې د ناشوني ښځینه بڼه ده
.
ارواښاد صنوبر حسين مومند کاکاجي د سالنډي (دمه) ناجوړ و، خو په داسې حالت کې هم د پاکستان دولت دا انقلابي ونه باښه (ؤنه بښلو) او د لاهور د شاهي کلا (قلعه) دوزخ ته یې ورساوه (ؤرسؤلو). د ارواښاد قلندر مومند دغه پورتني غزل د لاهور د شاهي کلا او د ارواښاد کاکاجي د زنداني ملګرتيا ياد تازه کوي.
(ممتاز خان)