23.01.2021د وطن
[23.Jan.2021 - 15:45]ته نه وينې که ړوند يي? د افغان جنازه لاړه😢
پښتونه! يو ځل بيا دې د ايمان جنازه لاړه 😢
شپلی يي درته ماته کړه رباب يي ستا په دار کړو
د ډول, او دسورڼي, جنت نشان جنازه لاړه😢
ته اوس هم د نفرت اورو ته تيل دي چه ورشيندې
لعنت دې په قلم شه د هر ځوان جنازه لاړه 😢
د علم او د پوهې منارونه يي نيست نابود کړل
ژوندی منظر يي مړ کړ, د ارمان جنازه لاړه😢
شاعره دغه خلک ستا په درد کله پوهيږی
شاهي د بې ګناه خلکو دا شان جنازه لاړه😢
اواز چه ښځه وباسې, بازار کې يي سنګسار کړي
هوا وه, که مريم, که د مرجان جنازه لاړه😢
ممبر يي قبضه کړای, په قران که مسلمان وي
شيطان ورننوتی, د اسلام جنازه لاړه😢
دا خلک يي وحشي کړل د فتنو په فتو مست دي
د مسجد, او د ممبر, او د قران جنازه لاړه😢
د دين او د مذهب په نوم يي خدای رسول بدنام کړل
احساس او ضمير وژني, د ويجدان جنازه لاړه😢
دا کوم رنګه نشه يي د مذهب په نوم درکړې ?
ستا عقل يي وژلی, د پوهان جنازه لاړه😢
دا خلک د نفرت او خودخواهی په اوږو سوار دي
شيطان يي دی قاضي, رحيم, رحمان جنازه لاړه😢
شاهي له دې ځای ورک شه, دغه خلک څارويان شوی
ددې رمو په مينځ کې د انسان جنازه لاړه😢
منظوره درته خير شه دا جګړه به ګټل غواړي
د سوات, کابل, چمن, وزيريستان جنازه لاړه😢