29.12.2020غزل
[29.Dec.2020 - 17:47]په نغمه لکـــــــــه بلبل غـــــږیدل زده کــړه
پټه خوله وینا د ګل ،له له بلبل زده کړه
رخت په ســـر کــــړه له غنچي نه رابهر شه
په هوا لـــــــکه وږمه، چلیدل زده کړه
د ازغي په څــــیر د ګل سره، همـــــــراز شه
په زیږه صورت، د ګلو ساتل زده کړه
نسترن شـــه په آغــــــوش ســــــرو آزاد کړه
په هر بوټي د ګلـــــشن، تاویدل زده کړه
که د نورو آســـــایش ،او آرام غـــــــــــواړي
ګهواري غوندي د ځان، کړیدل زده کړه
کورني مرغه په شــان به څومره ژوند کړې
د شــــاهین په دود ،آزاد الوتل زده کړه
د خلـــــــیل، د د نخــلستان ســـرو آواز کړي
ځان قربان کړه ،د بسمل تپیدل زده کړه
ګړندی شــــه کاروان هی کړه، مـنزل لنډ دی
د جرس په آواز تلل، او راتلل زده کړه
رمز د مرګ او د حیات په مینځ کې زور دی
د ژوندون دود او دستور آلول زده کړه
رژیـــدو لـــــــه ویري، نه غــــوړیږي ولـي
اندیښــنه پریږده ،غوټۍ توکل زده کړه
راحت پریږده، زحــمت واخله ســـــید حسنه
د وطـــن په درد و غم، ژړیدل زده کړه
.....................
د وطن دیو دردمن ادیب شاعر لیکوال او وطنپال شخصیت مرحوم شهید جنرال سید حسن خان (حسن) یو شعرد (زده کړه )تر عنوان لاندی چې ډیر تعلیمی ، تربیوی ، اخلاقی ،او د ترقۍ او پرمختګ او بیدارۍ په لار کې د هڅونۍ اړخونه لري ،
زده کړه
سید عبید الله نادر