ډالۍ
[08.Jan.2018 - 16:01]ډالۍ
یو څو کړۍ دي ایتلاف جوړوي
د بربادي نوی ګراف جوړوي
د سیاست لوبې یې تاوان کړی دی
رسمي غاصب ځان له صراف جوړوي
د نظام دړي په نظام کې باسي
بربنډ مخلوق داسې غلاف جوړوي
پنځم ستون یې دی پر شکر پیدا
خاص په قدرت کې اختلاف جوړوي
د مافیا قصد له دې ولسه باسي
ټېکداران دي چې شګاف جوړوي
چې مظلومیت د هر مظلوم وویني
خوشي خدمت پخپلو لاف جوړوي
اوس یې جونګړي بنګلې ماتوي
دې رقابت کې کوه قاف جوړوي
عادي سړی دی امپراطوري غږوي
حاکم په زوره ترې نداف جوړوي
د مبارزې پر نامه ځار (محمدي)
دلته به هر شعر شفاف جوړوي
محمدعوض محمدي