غلام نه يم
[09.Apr.2016 - 09:34]يم غريب خو د " خانانو " غلام نه يم
د وختونو د " خدايانو " غلام نه يم
په دي خپله عاجزۍ باندي مي ناز دې
د شاهانو " نوابانو " غلام نه يم
چې په "سخته" کې خپل "قام " يواځي پريږدي
زه د داسي " رهبرانو " غلام نه يم
سر کوزی مي په يو حال کې عادت نه دې
يم انسان د" انسانانو " غلام نه يم
ما زده ګړي خوداري د " ليونتوب " نه
شاهنشاه يم د "شاهانو " غلام نه يم
زه عاشق يم په آلفت مي عقيده ده
خو د حسن د" بوتانو " غلام " نه يم
چې نشه د درويشۍ لرم " لا يقه "
د اختيار د خاوندانو غلام نه يم
لا يق زاده لا يق