(که سپوره وي که پوره وي نو په شریکه به وي (باچاخان)

نه شو هوښيار پښتون

[15.Aug.2015 - 16:16]

کړو د اغيارو سازشونو تار په تار پښتون
نه شو هو ښيار پښتون
څومره رسوا شو په نړۍ کې خواروزار پښتون
نه شو هوښيار پښتون

وژنې خپل ورور په بي دردۍ د‌ډيرانونو په سر
کوی قتلونه د يو بل د پیغورونو په سر
نه مني حق د خور او لور د رواجونو په سر
د غرض دام کې له مودو نه ګرفتار پښتون
نه شو هوښيار پښتون

تر ننه ناست دې ًپيتاویً ته مړزان جنګوی
سپي جنګوی په کور او کلي کې چرګان جنګوی
غرض يئ خپل وي دانسان سره انسان جنګوی
خپل جهالت کړلو له بامه راګوزار پښتون 
نه شو هوښيار پښتون

دي د ټوپک وختونه تير نن د قلم دور دې
دسوچ او فکر, حوصيلې د صبر زغم دور دې
لا يقه نن د حرکت, هم دعمل وړاندی قدم دور دې
د وخت خدايانو په وحشيانو کې کړو شمار پښتون
نه شو هوښيار پښتون

لايق زاده لايق

-
بېرته شاته