07.08.2014 بھارنه شو
له ژوندستړي ولسونه
انسانخوروته ، انسانان لکه پسونه ښکاري
د انسان وینه ورته سره سره شرابونه ښکاري
دا خونخواره ظالمان اوس داسی نشه نشه دي
چی د ولس ویراو فریاد ورته سازونه ښکاري
لاد ولس زور ، زورواکانو پیژندلی نه دی
لاھم ولس دی زورواکانوته مُریونه ښکاري
دی ګناھګارو ، ګناھونه په ثواب منلي
دوی ته اوس غټ غټ ګناھونه ثوابونه ښکاري
نوردا ملت دا استبداد په ځان زغملی نه شي
د قیام وخت دی له ژوندستړي ولسونه ښکاري
الحاج الھام الدین قیام
والدورف/جرمنی
۰۵/۰۸/۲۰۱۴
بهارنه شو
ما له خدایه بھارغوښتو ، بھارنه شو
وران ګلبڼ می ګلزارغوښتو،ګلزارنه شو
د وطن بڼ ته می زوړ مالیار په کاروو
خو مالیار د بڼ خدمت ته تیارنه شو
دا خړپړوطن می بیرته سمسورغوښتو
لاخړپړشو،ګران وطن می سینګارنه شو
زوریدلي ولسونه می خوښ غوښتل
خو ویرجن ولس له ویره وزګارنه شو
د نفرت په ضد می سترقیام شروع کړ
خو زما چی کوم شتاب وو،په کارنه شو
الحاج الھام الدین قیام
والدورف/جرمنی
۰۱/۰۸/۲۰۱۴