کوترې ، سپين جبين
ناصحه لرې چې خولګۍ ترې واخلم
ماشوم زړګی مې ځي شکرو پسې
پریږدی چې کښيني د بامونو پر سر
چکچکې مه وهی کوترو پسې
***
خال دې د سپين جبين پټی ګرو کړی
غم د ليلا رانه زړګی ګرو کړی
نه په خندا نه په موسکا پوهيږې
تل دې زما د ژوند سپرلی ګرو کړی
دا شېخ!مې حق پکې ذره نه بولی
وايي جنت مې ځای پر ځی ګرو کړی
د کور او کلی درته څه ووایم
پوله په پوله مو مرګی ګرو کړی
بیا چې ځلمی په شونډو سپک يادوی
چا دې د سرو شونډو وښی ګرو کړی