ستا ښایست زما ځواني ده په ما ګرانه
دا د مینې زنده ګي ده په ما ګرانه
یو وطن او بل دا ستا ملالې سترګې
د دواړو اشنایي ده په ما ګرانه
یو ګودر بل په غرمه کې دیدنونه
ګله هسې خدایي ده په ما ګرانه
دا منو چې وایي وصل بې بها وي
خو و الله چې جدایي ده په ما ګرانه
که په کور وي که په غره که په صحرا وي
بس د ښکلو پاچاهي ده په ما ګرانه
یو ټکور او نور بلا بلا زخمونه
د زخمونو دوایي ده په ما ګرانه
شاعر : افضل ټکور
ترتیب کوونکی : انجنیرعبدالقادرمسعود