دښاغلی ملیار شعرونه تازه شول
مينه نه کيږي
که سم نشې په لاره مينه نه کيږي
د چا زړه چې وي ازاره مينه نه کيږي
ښکلو کې وفا هم کمه شويده
مه ورځه ريباره مينه نه کيږي
مينه د غريبو هم غريبه وي
چې نه وې پيسه داره مينه نه کيږې
...
ته چې شې ساقي زه شرابي شمه
ګرانې بي خماره مينه نه کيږي
تا کې کاغذي ګلان ښايسته ښکاري
وران د شې با زاره مينه نه کيږي
جنګ او چپاول او ورور وژل ګوره
ځۍ چې ځو له ښاره مينه نه کيږي
اوښ يي ټول په بډه کې مڼډلی دی
ځه حفيظ ملياره مينه نه کيږي
دغموپيټی
غنيمت ګڼه هر دم د ژوند په لاره
چې شو تير هغه رانشي په بار باره
څو کيدای شي ګلان وکره په بڼ کې
چې هر څوک د لزت يوسي له ګلزاره
که د شاتو مچۍ نشوی بياهم خير دی
هسې نه چې شې لړم غوندی نيشداره
ښه هغه چې پاچائئ کوي په زړونو
ګټه چا کله ليدلې له ازاره
ځان ښودل ځان پړسول راته عيب ښکاري
ملنګي لباس کې ګرځه شه خاکساره
په مرګي د هيس انسان روادار مه شه
که د خپل او يا پردی وي زما ياره
پسله مرګه به هغه خلک ياديږي
په ژوندون چی تری څه پاته وی يادګره
د غمو پيټی په هر چا باندی بار وي
په چا ډير وي په چا کم حفيظ ملياره