د ښاغلی ملیار شعرونه تازه شول
د مکتب لمبی
ويانا د اتريش ښار
ما مې د مکتب لمبو ته وژړل
ډير مې هغه وران صنفو ته وژړل
د صنف د رياضې تختې هم سوی وې
ما يي د تختو ايرو ته وژړل
هيلې ځوانيمرګې شهيدانې وی
ما يي د مزار جنډو ته وژړل
د علم ډيوه مړه وه تور تمونه وه
ځکه مې د وخت ظلموته وژړل
ای حفيظ ملياره خلک سپوږمی ته ځې
ما دا خپل کڼډر کوروته وژړل
ددوناودسيندپه غاړه
د دوناو د سيند په غاړه
يو ښايسته ماځيګری وه
المر ورو ورو ولويدلو
يخ شمال نری نری وه
د شفق د چتر لاندی
د اوبو غږ او ځګيروی وه
د سيند ديخوا او هغی خوا
د ځنګلونو مست شنيلی وه
له ښلا جوړ طبيعت وه
تا به ويل چې جنت ګی وه
هره پيغله په ښايست کې
د ګلابو جوړ ګيډی وه
مينه مينه ښکلول وه
خوشحالې وه جوړ جاری وه
د وطن په سوچ کې لاړم
څو چې پوه شوم ماښای وه
د وطن د جنګ لمبو ته
ډک له غمه می زړګی وه
دحفيظ مليار افسوز وه
هلته جنګ دلته سپرلی وه
ويانا د اتريش ښار