د کبير ستوري د یاد غونډی ویډیوVideo پرلیکه شوه
[08.May.2008 - 18:24] پښتو عالمی کانګرس (Pashto World Congress) په پېښور پریس کلب کې په 27.04.2008 نېټه د اتوار (يکشنبی) په ورځ د ارواښادډاکتر کبیر ستوری په یادیوه پرتمينه غونډه او مشاعره جوړه کړی وه ،چی د لری او بری پښتونخوا ګڼ شمیر ليکوالانو، پوهانو، شاعرانو او ژورنالستانو پکی برخه اخستی وه. غونډه دښاغلی پیر مسود بنوری له خوا د قرانکريم د څو مبارکو اياتونو په تلاوت سره د مازيګر په دریو بجو پیل شوه . د سټيج چاری ښاغلی ډاکتر عالم يوسفزی اوښاغلی حميد الرحمان نادان پر مخ بیولی .د غونډی کوربه د پښتو عالمی کانګرس چيرمین اود غنی خان ادبی، ثقافتی، څیړنیزی جرګی سرپرست پرفیسر جهانزيب نياز او مشر ميلمه د پښتون قامی وحدت ستر لارښود د ANPمرکزی مشر ښاغلی محمد افضل خان لالا ؤ. ښاغلی عبدالهادی خلیل زی، ښاغلی خیال اکبر اپریدی ، د پښتونخوا ملی عوامی پارټۍ صوبائی صدر ښاغلی مختار خان يوسفزی ، میرمن شګفته ملک اوښاغلی بصير بیدار خصوصی ميلمانه ؤ. ښاغلی محمد افضل خان لالا، پرفیسر جهانزيب نياز، پروفیسر انور ظفری، میرمن شمیم قيصر خان، ښاغلی مختار خان يوسفزی، ښاغلی اکمل لیونی، ښاغلی ایډوکیټ شهاب الدین خټک، ښاغلی شبیرخان درانی، ښاغلی مطیع الله سراچه وال، ښاغلی عبدالهادی حیران، ښاغلی اختر ننګیال، ښاغلی ودود اشنغری ، ښاغلی فریدون خان، ښاغلی ډاکتر ننګ، ښاغلی خيال اکبر اپریدی ، ښاغلی ګل محمد مسرور،ښاغلی غلام محمودشهاب، ښاغلی ګلزاده کوثر، ښاغلی اقبال مومند، پروفیسر عالمزیب خټک اوښاغلی ډاکتر احمد علی عاجز، د ارواښاد ستوری په ژوند، مبارزه او سړيتوب ( شخصيت ) هر اړخيزی خبری وکړی تاثرات، مقالی او نظمونه یــی واورول . د ښاغلی نورالبشر نويد راليږل شوي نظمونه چې دارواښاد ستوري په ياد ليکل شوي و د ډاکتر عالم يوسفزي په اواز کې واورول شو او د غونډی دويمه برخه په ازاده مشاعره سره پای ته ورسیده. د غونډی دريمه برخه د ډاکتر کبیر ستوری په یاد ټنګ ټکور ته ځانګړی شوی وه چی د پښتونخوا نامتو سندرغاړی او موسیقی جوړونکی ښاغلی استاد ماسټر علی حیدر په خوږ اواز رنګینه شوی وه، چی د شپی تر ددوو بجوپوری یی دوام درلود. همدا راز د۲۰۰۸ ع کال اپریل په څلورمه نیټه د ارواښاد ستوری په ياد د وحدت ورځپاڼی او خبرونه ورځپاڼی، خپلی خپلی خصوصی ( ځانګړی ) ګڼی هم نشر کړی وی. په درناوید غونډی ليدلو او اوريدلو لپاره دلته ټک ورکړۍ
بېرته شاته