(که سپوره وي که پوره وي نو په شریکه به وي (باچاخان)

دافغان ملت ملي مترقي ګوند اعلامیه

[11.May.2013 - 10:18]

د ګوشتې د پیښو په اړه د افغان ملت ملي مترقي ګوند اعلامیه

د انجینیر اجمل شمس په مشرۍ د افغان ملت ملي مترقي ګوند د ګوشتې په سیمه کې په دې نږدیو کې د پاکستاني ځواکونو لخوا د ډیورنډ د کرښې نه دیخوا د دوی تعرض په کلکه غندي . افغان ملت ملي مترقي ګوند د خپلو ملي امنیتي ځواکونو میړانه ، شجاعت او فداکارۍ ته د عقیدت پیرزوونې وړاندې کوي چې د خپل وطن د دفاع لپاره هر راز سرخندنې ته تیار دي .

د یادونې وړ ده چې د ګوشتې په سیمه کې د ډیرې مودې راهیسې د پاکستاني مقاماتو لخوا هسې روانې دي تر څو د خپل نفوذ سا حه پراخه کړي . پاکستاني چارواکي پاید پوه اوسي چې افغانان به هیڅکله هیچا ته اجازه ورنکړي چې د دوی په زمکني تمامیت برید اوکړي . افغان ملت ملي مترقي ګوند پدې عقیده دی چې د ډیورنډ د کرښې نه دواړو غاړو ته ورونه قومونه اوسیږي او هیڅوک دوی سره نشی بیلولی . که چیرې د پاکستان لخوا د ډیورنډ د کرښې نه دې غاړه د پوستو جوړول د دې لپاره وې چې شا ته یې نور عزایم وي نو دا هڅې نتیجه نه ورکوي . د لر او بر پښتانه سره یو دي .

ټول افغان ملت د ملی امنیتې ځواکونو تر شا ولاړ دی او د لوی خدای له درباره د دوی د بریالیتوب دعا کوی . بل طرف ته پاکستان حکومت نه هم غوښتنه کوو چې د ښه ګاونډیتوب د اصولو پر اساس د داسې حرکتو نو نه ډډه اوکړي چې د دواړو هیوادونو تر منځ د تاو تریخوالي سبب کیږي خکه داسې حالت د هیچا په ګټه ندی .

په درناوي

انجینیر اجمل شمس -    د افغان ملت ملي مترقي ګوند مشر

وصلي خان ملاخیل  ـ    د افغان ملت ملي مترقي ګوند عمومي منشي

Abdul Malik,
Media and Information section,
Afghanistan Social Democratic Party Central Office,
PO BOX 5595, Kabul, Afghanistan
Tel: +93 <0> 799-57-1293
E-mail: [email protected]
Website: www.afghanmillat.org
- ملاخیل
بېرته شاته