دارباب محمد همایون خان خلیل په مړینه د PSDP غمرازئ پیغام
[04.Oct.2010 - 21:14]
بېرته شاته
(که سپوره وي که پوره وي نو په شریکه به وي (باچاخان)
Pashtoons Social Democratic Party (PSDP) Press and Information Secretariat په ډیره خواشینئ سره مو خبر ترلاسه کړ چی د خدائی خدمتګارو دقامی ازادی بخښونکی غورځنګ تکړه غړی، د باچا خان بابا د لاری مل اود ارباب سکندرخان کشر ورور ارباب محمد همایون خان خلیل د ۲۰۱۰ ع کال د اکتوبر د میاشتی په ۳ مه نیټه د اتوار ( یکشنبی) په ورځ لدی فاني نړئ څخه د تل لپاره سترګی پټی کړی انا لله و انا اليه راجعون دارواښادجنازه په پښتونخوا کی په خپله پلرنئ هدیره کی په ۴/۱۰/۲۰۱۰ نیټه خاورو ته وسپارل شوه. ارواښاد ارباب محمد همایون خان خلیل په قامي سیاست کی ډیر فعال ؤ او د عوامی نیشنل ګوندANP پخوانی جنرل سیکرټری هم پاتی شوی دی. ارواښاد ارباب محمد همایون خان خلیل د پښتنو ټولنیز ولسولیز ګوندPSDP سره نزدی اړیکي لرلي او پښتنو د یووالی،عدم تشدد، سوکالئ او ابادئ په لاره کی دمرګ تر وخته پوری نه ستړی کیدونکی هلې ځلې کړی دی چی پښتون قام به دده خدمتونه تل یاد ساتی د پښتنو ټولنیز ولسولیز ګوندPSDP د خدای بخښلی ارواښاد ارباب محمد همایون خان خلیل مړینه پښتون قام ته لويه ضايعه بولی ، ارواښاد ته د لوی خدای ج له درباره دجنت فردوس غوښتنه کوی ، د کورنۍ ،خپلوانو او سیاسي ملګرو سره په دغه دروند غم کې ځان شريک ګڼي روح دی ښاد وی په درناوی نصیر ستوری د پښتنو ټولنیز ولسولیز ګوندجنرل سیکرټری - د پښتونخوا خبریال
بېرته شاته
بېرته شاته